Lewat Seulimum na simpang Janthoe
Sinan meupaloe payah rem sigra
Keunong Razia, hana pat peuglah droe
Langsong jipeutoe, ka dimeu doda ida
Sipatu jipakek, budee bak jaroe
Soe nan Keuh droe ? hai aneuk Muda
Jaroe bak honda, meukheut-kheut keudroe
Rab habeh gigoe, hana pat peugah haba
Meunyeu razia honda, mangat tapeuglah droe
Tinggai sulap jaroe, langsong bebas sigra
Teuma njoe razia, awak teroris keudroe
Karab meupaloe, can hantroh u Banda
Bak jikalen rupa, na hie sidroe-droe
Man ken biet meupaloe, jipikee lon awak luwa
Allahu Rabbi, neutulong lon sidroe
Bek sampe payah kab gigoe, gara-gara salah muka
Teungeuh dipareksa, troh plisi laen sidroe
Ngon basa Aceh droe, ulon meusapa
Keuhendak Allah Ta'ala, lon ka bebas keudroe
Langsong kujak woe meunuju u banda
Njan keuh beuharga, meunjeu basa droe
Kadang na watee keudroe, seulamat sigra
Suai nyang ato, na keuh Allah keudroe
Peunteng bek teuweu droe, tanyoe lam usaha
Wallahu'alam hai rakan meutuwah
Nyoe payah lon jak meubagah, meunuju u Banda
Peu-peu leh eunteuk, bek lee na masalah
Nyak lom jeut tapeugah, watee troh u Banda.
0 komentar:
Post a Comment